UEFA Çempionlar ligasynda düýnki oýnalan duşuşyklarda soňky
çempion Bawariýa öz meýdançasynda Atletiko Madridi 4-0 hasabynda ýeňdi. Münhenlilere ýeňiş getiren gollaryň 2-sini Koman, beýlekileri-de Goreska bilen Tolisso derwezä girizdi. Bawariýa topary Hans Flikiň tälimçiliginde 20-nji gezek 4 golly
ýeňiş gazandy. Şeýle-de toparyň derwezeçisi Manuel Noýer 200-nji gezek duşuşygyny goldan
goramagy başardy. Ol bu ugurda Sepp Maýerden öňe saýlanyp, Oliwer Kandan soň 2-nji hatarda barýar. Toparçanyň beýleki duşuşygynda-da 4 gol
geçirilip, Red Bull
Salsburg bilen
Lokomotiw Moskwa toparlary 1 utukdan paýlaşdylar.
“B” toparçada kubogyň
iň köp eýelän Real Madrid möwsüme
şowsuz başlady. Madridde
Şahtýor Doneski kabul eden Real 3-2 hasabynda asgyn
geldi. Eýýäm 1-nji ýarymda 12 minutyň içinde derwezesine 3 gol (Tete 29, Waran 33 ö.d., Solomon
42) goýberen Realyň 2-nji ýarymda eden tagallasy, geçiren 2 goly (Modriç 54, Winisius 59) ýeňşe ýetmedi. 90-njy minutdan soň,
Walwerdeniň geçiren golunda-da oýundan
daşardaky ýagdaý bolany üçin şol gol hasaba alynmady. Toparçadaky beýleki oýunda-da esasy faworit topara ýeňiş gazanmak başartmady.
Ýagny Inter öz meýdançasynda Borussiýa M toparyny kabul edip, soňky
minutlarda ýeňlişden halas boldy. Italýan toparynyň gollaryny Romelu Lukaku (49, 90), myhmanlaryň
gollaryny-da Bensebaini
(63 p) bilen Hofmann (85) derwezä girizdi.
“C” toparçada Mançester Siti öz meýdançasynda Portony 3-1 hasabynda ýeňdi. Gresiýanyň Olimpiakosy hem soňky minutda Ahmed Hassanyň ýeke-täk goly bilen Marselden 1-0 üstün çykdy.
“D” toparçada 54
ýyldan soň gabatlaşan Aýaks bilen Liwerpulyň arasyndaky bu duşuşykda iňlisler 1-0
hasabynda ýeňiş gazandy. Ýeke-täk goly 35-nji minutda Sadio Maneniň urgusyndan soň, Tagliafiko ýalňyşlyk bilen öz derwezesinden
girizdi. Çempionlar ligasynda 2-nji
möwsümini başdan geçirýän Atalanta ýaryşyň
debýutanty
Midtýullanny myhmançylykda
4-0 hasabynda utdy. Italýan toparynyň gollarynyň 3-si 1-nji ýarymda geçirilip,
olary Zapata, Gomez, Muriel öz atlaryna ýazdyrdylar. Oýna soňdan
goşulan Mirançuk bolsa, 89-njy minutda toparyň
4-nji goluny derwezä girizdi.
“A”: Bawariýa Atletiko Madrid: 4-0
(Koman 28, 72, Goreska 41, Tolisso 66)
“A”: RB Salsburg Lokomotiw: 2-2
(Soboslai 45, Ýunuzowiç 50 Eder 19, Lisakowiç 75)
“B”: Real Madrid Şahtýor Donesk: 2-3
(Modriç 54, Winisius 59 Tete 29, Waran 33 ö.d., Solomon 42)
“B”: Inter Borussiýa M: 2-2 (Lukaku
49, 90 Bensebaini 63 p, Hofmann 68)
“C”: Mançester Siti Porto: 3-1 (Aguero
20 p, Gündogan 65, Torres 73 Diaz 14)
“C”: Olimpiakos Marsel: 1-0 (Hassan
90+1)
“D”: Aýaks Liwerpul: 0-1 (Tagliafiko
35 ö.d.)
“D”: Midtýullann Atalanta: 0-4 (Zapata
26, Gomez 36, Muriel 42, Mirançuk 89)