Belavia Türkmenbaşy şäherine uçuşlaryň sanyny awgust aýyndan hepdede birden ikä çenli artdyrar. Bu barada awiakompaniýanyň web sahypasynda habar berilýär.
Çeşmäniň habaryna görä, 19-njy awgustdan 17-nji sentýabr aralygynda Türkmenistana uçuşlar hem şenbe güni amala aşyrylýar. Netijede, Minskden Türkmenbaşy şäherine uçuşlar çarşenbe we şenbe günleri amala aşyrylar.
Şenbe güni sagat 20:00-da Minskden uçan howa gämisi, Türkmenbaşa ýekşenbe güni 02:10-da. Uçar şol gün yzyna sagat 03:10-da ugraýar we 05:30-da Minskä barýar.
Iş tertibi ýerli wagtda görkezilen: Belarus bilen Türkmenistanyň arasyndaky wagt tapawudy 2 sagat.
Uçuşlar Braziliýanyň “Embraer E195” uçarynda amala aşyrylýar. Uçar 125 orunlyk bolup, (biznes-klasda 9 orun, ekenom-klasda 116 orun). Uçuş dört sagatdan gowrak dowam edýär.
Awiakompaniýanyň ähli uçuşlary üçin oflaýn biletleri Aşgabatdaky “Belaviýa”-nyň wekilhanasyndan alyp bolýar. Salgysy: 2028 köçesi (A. Gowşudow), 50/2 öý, 2-nji gat (“Teke bazary”, “Ak Deniz” binasy, 2-nji gat)
Habarlaşmak üçin telefon belgisi: +993 12 926409. “Belaviýa” uçuşlaryna onlaýn awibiletleri www.belavia.by saýtyndan alyp bilersiňiz.