Fransiýanyň LVMH (Louis Vuitton Moet Hennessy) kompaniýalar toparynyň prezidenti Bernar Arno dünýäniň iň baý adamlarynyň sanawynda Ilon Maskdan öňe geçdi. Bu barada Forbes žurnalyna salgylanýan TASS habar berdi.
Habara görä, Arnonyň emlägi 21,6 mlrd dollar köpelip, häzir 205,8 mlrd dollar bahalanýar.
Öň sanawda birinji orunda bolan Tesla we SpaceX kompaniýalarynyň eýesi Ilon Maskyň emlägi 204,2 mlrd dollary düzýär. Ol sanawda ikinji orna geçdi.
Sanawda üçünji orunda Amazon kompaniýasyny esaslandyryjy Jeff Bezos (179,9 mlrd dollar) ýerleşdi.