Çempionlar ligasynyň pleý-off tapgyrynyň duşuşyklary tamamlanyp, toparçalarda çykyş etjek 32 klub belli bolanyndan soň, 29-njy awgustda, has takygy, geljek hepdäniň penşenbe güni bije çekiliş dabarasy geçiriler.
Monakoda geçiriljek bije çekiliş dabarasy agşamara bolup, şonda 32 klubuň haýsy toparçalarda çykyş etjekdigi kesgitlener.Bije çekiliş dabarasy Aşgabat wagty bilen 21:00-da başlanar.Häzirki wagtda 32 klubuň 26-sy belli bolup, olar 4 torba bölüner, 8 toparça-da paýlanar. 1-nji torbany Çempionlar hem-de Ýewropa ligalarynyň ýeňijileri “Liwerpul” we “Çelsi” bilen bir hatarda, yklymyň öňdebaryjy çempionatlarynyň çempionlary “Man.
Siti”, “Barselona”, “Ýuwentus”, “Bawariýa”, PSŽ hem-de “Zenit” klublary düzýär. 2-nji torbada “Real Madrid”, “Atletiko”, “Borussiýa D”, “Napoli”, “Şahtýor”, “Tottenham”, “Benfika”, “Lion” ýa-da “Aýaks” klublary bolar. 34-nji torbalar anyk bolman, “Baýer”, “RB Salsburg”, “Walensiýa”, “Inter”, “Lokomotiw”, “Genk”, “Galatasaraý”, “Leipsig”, “Atalanta”, “Lill” hem-de pleý-offdan goşuljak 6 klub bilen tamamlanar. Şeýle-de, şol günki bije çekiliş dabarasynyň dowamynda UEFA Çempionlar ligasynda geçen möwsümiň iň ökde oýunçylary hem mälim ediler.