Şu hepdäniň dowamynda Şweýsariýanyň Dawos şäherçesinde Bütindünýä ykdysady forumy geçirildi.Bu forumyň gün tertibiniň esasy meseleleriniň biri howanyň üýtgemegine garşy göreş boldy. Her ýyl Dawos şäherçesinde geçirilýän däbe öwrülen Bütindünýä ykdysady forumyny esaslandyryjy Klaus Şwab 2030-njy ýyla çenli tutuş dünýäde 1 trillion agaç ekmek başlangyjy bilen çykyş etdi.
Bu başlangyjy goldap, dünýäniň köp sanly döwlet we hökümet baştutanlary, jemgyýetçilik guramalarynyň wekilleri çykyş etdiler. Klaus Şwabyň aýtmagyna görä, ekoulgamy täzelemek öňümizdäki onýyllygyň möhüm wezipeleriniň biridir.Bu geljek nesliň has gowy durmuşda ýaşamagy üçin zerurdyr. 21-24-nji ýanwar aralygynda geçirilen Dawos forumyna 117 ýurtdan 3000-e golaý wekiliýet gatnaşdy.
Kakageldi AMANOW, talyp.