Angliýanyň Çelsi futbol kluby futbol boýunça klublaýyn dünýä çempionatynda ilkinji gezek ýeňiş gazandy. Final duşuşygynda Çelsi Braziliýanyň Palmeýras kluby bilen duşuşdy. Duşuşyk Abu-Dabi şäherinde geçirildi.
Oýnuň esasy wagty 1:1 hasabynda tamamlandy. Goşmaça wagtda iňlisler öňe saýlanmagy başardylar. Çelsiden gollary Romelu Lukaku (55-nji minut) we Kaý Hawers (117-nji minut), Palmeýrasdan Rafael Weýga (64, pen.) geçirdi. Çelsi 2021-nji ýylda Çempionlar ligasynyň ýeňijisi boldy. Palmeýras bolsa Libertadores Kubogynda ýeňiş gazandy.