La Jornada (Meksika): Dünýä ABŞ-na garşy ses berdi. BMG-nyň 183 agza ýurdy ABŞ-nyň Kuba garşy goýan embargosynyň aýrylmagy üçin ses berdi.
El Pais (Ispaniýa): McAfee Antiwirus kärhanasynyň esaslandyryjysy John McAfee, Barselonada saklanýan tussaghana otagynda öz janyna kast etdi.
La Tersera (Çili): Koronawirusyň Delta Plus görnüşi: Alymlar, Hindistanda hasaba alynan koronawirusyň bu görnüşiniň has howply we ýokançdygyny bellediler.
Handelsblatt.com: ÝB Liderler maslahaty: Türkiýä golaýlaşmak Germaniýanyň ykdysadyýetine uly mümkinçilikler hödürläp biler.
t-online.de: Germaniýanyň ilatynda 9 ýyllyk arakesmeden soň ilkinji gezek peseliş hasaba alyndy.
tagesschau.de: Saud Arabystanynyň Stambul şäherindäki Baş konsullygynda öldürilen oppozisioner žurnalist Jemal Kaşykçynyň ganhorlarynyň 4-siniň ozal ABŞ-da harby tälim alandygy öňe sürüldi.
Aljazeera: Liwiýa temaly 2-nji Berlin konferensiýasy tamam boldy. Ýurtdaky hakyna tutma esgerleriň ülkeden çykarylmagy karara gelindi we Liwiýada saýlawlaryň wagtynda geçirilmegi barada karar kabul edildi.
Alraýa: Katar, Aziýada Ynam artdyryjy komitediniň maslahatyna gatnaşýar.
Alkuds Alarabi: BMG-nyň Baş sekretary Antoniu Guterriş: "Ýurduň daşyndan Siriýa kömek berilmezligi elhenç bolar" diýip habar berdi.
Le Parisien: Fransiýada Kowid-19 sebäpli berilýän döwlet goldawlary bes edildi, erkin işleýänlar uly aladaň içinde.
Le Monde: Fransiýanyň senady, harby býujetiň gözden geçirilmegi babatynda hökümede bolan ynamyny täzelemegi ret etdi.
Le Figaro: Fransiýanyň Premýer ministri Žan Kasteks we Saglygy goraýyş ministri Oliwer Weran, Kowid-19 sebäpli saglyk ýagdaýyň erbetleşýän Landes sebitinde saparda bolýarlar.
Izwestiýa: Russiýanyň Daşary işler ministrligi, Gara deňizde serhet giňişligini bozanlygy üçin duýduryş berip od açmaga mejbur galynan esmines gämisi babatynda Beýik Britaniýany ýazgardy.
Lenta.ru: Bütindünýä Saglygy goraýyş guramasy, ilkinji gezek çagalaryň koronawirusa garşy sanjym etdirip biljekdigini kabul etdi.
TASS: Russiýada koronawirus wakasynyň iň köp hasaba alynan paýtagt Moskwa şäherinde mejbury sanjym programmasynyň düzümine kurýerler hem alyndy.