“Haber Türk” gazeti “Erdogan: Ysraýylyň ýadro ýarag hemlesiniň ýatdan çykarylmagyna ýol bermeris” söz başyly habarynda, Prezident R.T.Erdoganyň Yrakda ýadro ýaragyny gözlänler ysraýylly minisrtrleriniň kameralaryň öňünde atom bombasy boýunça boýun almalaryna ýekeje söz aýtmazlygynyň iňňän ýerliksizdigini aýdandygyny ýazýar.
Erdogan: “Şu günki günde Ysraýyla sesini çykarmaýanlaryň ertir başga ýurtlara aýdara sözi bolmaz.Ysraýylyň ýadro ýaragy meselesiniň ýatdan çykarylmagyna we çykardylmagyna Türkiýe ýol bermez” diýdi.
“Sabah” gazeti “Bengazi Başkonsullygy işe girişer” söz başyly habarynda, Daşary işler ministri Hakan Fidanyň Bengazi Başkonsullygynyň işe girişjekdigini aýdandygyna ünsleri çekýär. Ministr Fidan; “Liwiýanyň gündogaryndaky, günbatarynda we günortasyndaky ähli taraplar bilen gatnaşyklarymyzy ösdürmäge dowam ederis. Bengazi Başkonsullygymyzy golaýda gaýtadan açarys” diýdi.
“Ýeni Şafak” gazeti “Gazadaky türk raýatlarynyň ewakuasiýasy dowam edýär” söz başyly habarynda, Daşary işler ministri Hakan Fidanyň şu günki güne çenli 170 türk raýatynyň we ýakynlarynyň Gazadan çykarylandygyny aýdandygyny ýazýar. Fidan Gazada galan 983 türk raýaty bilen ýakynlarynyň halas edilmegi üçin işleriň dowam edýändigini aýtdy.
“Hürriýet” gazeti “Palestinaly hassalary getiren uçar Ankarada” söz başyly habarynda, Ysraýylyň Gaza guraýan hüjümlerinde ýaralanan rak keselleri palestinalylaryň Türkiýede bejerilýändigini mälim edýär. 61 hassa we olara ýoldaşlyk edýän 49 adam bilen Müsüriň Al-Ariş howa menzilinde uçan uçar Ankaranyň howa menziline gelip gondy. Palestinadan häzirki wagta çenli 88 keselli getirildi.
“Star” gazeti “Stambul uniwersiteti Ysraýyla goldawyny yglan eden markalary ret etdi” söz başyly habarynda, Stambul uniwersitetiniň Gaza hüjümlerini dowam etdirýän Ysraýyla ähli taraplaýyn goldawyny dowam etdirýän firmalary, guramalary we markalary ret edýändigi mälim edilýär. Uniwersitetiň sosial media hasabyndan berilen habarnamada “Genosid edip, adam hukuklaryny basgylan ýurda goldaw berýänleri ilkinji nobatda ylym ret edýar” diýilýär.