Döwlet sirklerine, aýry-aýry professional sirk döredijilik toparlaryna “Milli” hukuk derejesini bermegiň tertibi we şertleri tassyklanyldy. Türkmenistanyň Prezidenti degişli Karara şu gün — 12-nji ýanwarda sanly ulgam arkaly geçirilen Hökümet mejlisinde gol çekdi. Bu barada "Watan" habarlar gepleşiginde habar berildi.
Resminama Türkmenistanda sirk sungatyny has-da kämilleşdirmek, sirkleriň işiniň ösdürilmegini goldamak maksady bilen, şeýle-de “Medeniýet hakynda” hem-de “Sirk we sirk sungaty hakynda” Türkmenistanyň Kanunlaryna laýyklykda kabul edildi.