2011-nji ýylyň 31-nji oktýabrynda Birleşen Milletler Guramasynyň Ilat Gaznasy (UNFPA) Ýer ýüzüniň ilatynyň ýedi milliarda ýetendigini mälim etdi.Bu gün Ýedi Milliard gün diýlip atlandyryldy. Şol gün BMG-niň Baş-sekretary halkara guramanyň Nýu-Ýorkdaky ştab-kwartirasynda dünýä ilatynyň ýeten täze sepgidi barada aýdyp, 7 Milliard Hereket atly maksatnamany tanyşdyrdy.
Bu maksatnama dünýä ilatynyň köpelmegi bilen bagly ýüze çykýan meselerler hem-de mümkinçilikler barada habardarlygy ýokarlandyrmak hem-de adamlary we guramalary herekete geçirmäge ruhlandyrmak maksady bilen taýýarlanypdyr.Geçen ýylyň 15-nji noýabrynda bolsa, dünýä ilatynyň 8 milliard ýetendigi mälim edilipdi. Şu ýylyň aprelinde köp ýyldan bäri dünýäniň iň köp ilatly ýurdy bolan Hytaý ikinji orna düşüp, Hindistan bu ugurda birinji orna çykypdy.