Fiat, Jeep, Dodge we Chrysler ýaly 16 brendi jemleýän Stellantis bilen Samsung SDI kompaniýasy ABŞ-nyň Kokomo şäherinde täze batareýa zawodyny gurar.Jemi 2,5 milliard dollar sarp ediljek desgada litiý-ion batareýalary öndüriler. Ýylyň ahyrynda gurluşygyna başlanjak desga 2025-nji ýylyň birinji çärýeginde önümçilige başlar.
Stellantis bu ýerde öndüriljek batareýalaryň zarýad berip bolýan gibrid (PHEV) hem-de dolulygyna elektrik energiýasy bilen işleýän ulaglar üçin niýetlenjekdigini mälim etdi.Desganyň ýyllyk önümçilik kuwwaty ilkinji nobatda 23 gigawat/sagat bolar.
Soňra bu görkeziji 33 gigawat/sagada ýetiriler.Munuň üçin maýa goýumyň mukdary 3,1 milliard dollara ýetiriler.Zawodda jemi 1400 adam zähmet çeker.Stellantis 2025-nji ýyla çenli elektroulaglar üçin jemi 35,5 milliard dollar özleşdirer.
Mundan ozal Stellantis LG bilen bilelikde Kanadada batareýa zawodyny gurmak üçin ylalaşypdy.Bu zawod 2024-nji ýylda işe giriziler.
Kerim MUHAMMEDOW,
Türkmen döwlet maliýe institutynyň mugallymy.