Mahmud Abbasy we wekiliýetini ýurtda myhman almakdan hoşaldygyny beýan eden Erdogan, Türkiýäniň we türk milletiniň Palestina meselesine elmydama goldaw berendigini, Palestinanyň köňüllerinde özbolyşly orun tutýandygyny nygtady.
Erdogan; “Geçiren geňeşmelerimizde Palestinadaky soňky ýagdaýy giňişleýin seljerdik.Palestinaly doganlarymyz taryhynyň iň agyr döwrüni başdan geçirýär. 7-nji oktýabrdan bäri Gazada we Ramallahda bigünä adamlara garşy Ysraýylyň eden hüjümleri sebäpli 32 müňe barabar palestinaly ýogaldy, 72 müňden gowragy ýaralandy, 2 milliona ýakyn palestinaly öýlerini terk etmeli boldy. 2,3 million palestinaly günlük başlangyç zerurlyklaryny kanagatlandyryp bilmeýär.
Ysraýyl Gazanyň halkyny diňe bir açlyk we suwsuzlyk bilen däl, şol bir wagtda-da bigünä adamlaryň depelerine bomba ýagdyryp, wagşylarça gyrýar. 151 günden bäri soňky asyryň iň uly wagşyçylyklaryndan birine şaýatlyk edýäris.
Günbatarly güýçleriň hem çäksiz goldawy bilen Netanýahu we ýolbaşçylyk edýän rehimsiz hökümeti palestin halkyna aç-açan genosid edýär” diýdi.
Palestinadan gelen müňe golaý ýaralynyň bejergisiniň Türkiýäniň dürli hassahanalarynda dowam edýändigini aýdan Erdogan; “Netahýahu we jenaýatçy ýaranlary döken her damja ganlarynyň hasabyny hukugyň we adamzat wyždanynyň öňünde bererler” diýdi.
Palestinanyň döwlet Ýolbaşçysy Abbas bolsa; “Türkiýe palestin halkyna doganlyk esasynda taryhy jogapkärçiligi bilen ähli borjuny ýokary derejede berjaý edýär” diýdi. Abbas: “Türkiýäniň Palestina meselesine berýän yzgiderli goldawyna minnetdarlyk bildirýäris” diýdi.