Türkiýe Respublikasynyň Prezidenti R. T. Erdogan, Ysraýylyň basyp alyjy tutumynyň sebitara howpsuzlyga wehim salýandygyny nygtady.
Prezident Erdogan penşenbe güni paýtagt Ankarada Alžiriň Prezidenti Abdulmejid Tebbun bilen bolan duşuşygyndan soň beren beýannamada “Ysraýylyň Gazadaky, Günbatar Şeriadaky we Liwandaky basyp alyjy tutumlary sebitimiz taýdan howply bolmaga dowam edýär” diýdi.
Erdogan “Türkiýe we Alžir hökmünde sebitimiziň parahatçylygy we durnuklylygy üçin tagalla etmäge dowam ederis. Alžir bilen özara bähbide laýyklykda dostlukly gatnaşyklarymyzy we hyzmatdaşlygymyzy ähli taraplaýyn ösdürmäge dowam ederis” diýip belledi.
Alžiriň Prezidenti Abdulmejid Tebbun hem Ysraýylyň sebitdäki hüjümleri ýazgardy.
Tebbun “Ysraýylyň basyp alyjy syýasatlaryny we doganlyk ýurt Liwana guraýan hüjümlerini we Gazadaky wagşyçylygyny ýazgarys” diýdi.