Eýranyň Kirman welaýatynda, Kasym Süleýmaniniň gubyrynyň ýerleşýän ýeriniň golaýynda bolan 2 partlamada ýaralanan ýene-de 5 adamyň ýogalmagy bilen wakada ýogalanlaryň sany 89 adama ýetdi.
Eýranyň resmiIRNA habarlar gullugynyň, welaýat häkimligine esaslanýan habarynda, ýogalanlaryň arasynda 12 çaga bilen 33 zenanyň bardygy we 12 adamyň hem Owganystanyň raýatydygy nygtaldy.
Hüjümde 284 adamyň ýaralanandygy, ýaralananlaryň käbiriniň ýagdaýynyň agyrdygy bellenildi.
Beýleki tarapdan Eýranyň Prezidenti Ebrahim Raisi, şu gün Kirmana gitdi
Prezident Raisi partlamada ýogalanlaryň jynazasyna gatnaşar.
ABŞ-nyň 2020-njy ýylyň 3-nji ýanwarynda Yragyň paýtagty Bagdatda guran hüjüminde ýogalan Eýranyň Ynkylap goragçylary goşunynyň İýerusalim güýçleriniň ozalky serkerdesi Kasym Süleýmaniniň aradan çykmagynyň 4-nji ýylynda Kirman şäherindäki gubyrynyň golaýynda iki partlama bolupdy.
Hüjümlerde 84 adam ýogalypdy, 284 adam hem ýaralanypdy.