Ysraýylyň goşuny Siriýanyň paýtagty Damaskyň golaýyna raketaly hüjüm gurady.
Hüjümde Eýranyň Ynkylap goragçylary goşunynyň Siriýadaky serkerdelerinden Razi Musawi öldi.
Ysraýylyň hüjümine Eýran berk gaýtawul görkezdi.
Eýranyň Prezidenti Ebrahim Raisi; “Bu jenaýatyň jerimesini hökman çekerler” diýdi.
Eýranyň Daşary işler mi nistri Huseýn Emir Abdullahiýan bolsa sosial media hasabyndan beren habarnamasynda; “Tel-Awiw agyr netijä garaşmaly” diýip, ar alyş hüjüminiň guraljakdygyny duýdurdy.
Ynkylap goragçylarynyň goşunyndan berilen beýannamada bolsa Ysraýyla etmişiniň jerimesiniň çekdiriljekdigi nygtaldy.
Razi Musawiniň 2020-nji ýylda Yrakda ABŞ-nyň hüjüminde öldürilen eýranly general Kasym Süleýmaniniň ýakyn dostlaryndan biridigi bilinýär.
Musawi Siriýada Ynkylap goragçylarynyň goşunynyň “baýry harby geňeşçisi” bolup işleýardi.