Ford konserniniň Ýewropa bölünmesi 2023-nji ýylda — modeliň peýda bolanyndan 46 ýyl we sekiz nesil geçensoň ykjam Fiesta-nyň maşgalasyny öndürmegini bes eder. Bu islegiň pese düşmegi we kompaniýanyň elektrifikasiýalaşdyrmaklyga tarap häzirki umumy ugry bilen bagly diýip, Autocar ýazýar.
Ford Fiesta islegiň peselmeginde gönüden-göni bäsdeşlerini (ilkinji nobatda Opel Corsa-ny), şeýle-de Forduň ýewropa hataryndaky beýleki modelleri — meselem, platformadaş Puma wsedorožnigini günäkärleýärler.Eger Fiesta isleg tomsuň ahyryna çenli, 2021-nji ýyl bilen deňeşdirilende, 45% (39 müň nusga çenli) pese gaçan bolsa, onda Ford Puma-nyň bu döwür içinde 90 müňdenem gowrak nusgasy satyn alyndy.
Fordda bu ýagdaý barada golaýdaky aýlaryň dowamynda goşmaça maglumat berjekdiklerini aýdyp, düşündiriş bermekden boýun gaçyrdylar. 2026-njy ýyla çenli kompaniýa 600 müň elektrokara çenli satmagy, on ýyllygyň aýagyna çenli bolsa içinden ot alýan hereketlendirijili awtoulaglaryň önümçiliginden doly ýüz öwürmegi göz öňünde tutýar. 2025-nji ýylda Ford Focus-yň maşgalasynyň önümçiligini hem ýatyrmagy meýilleşdirýär.