Gaitiniň Raýat goranyş agentligi, ýer titremede ýogalanlaryň sanynyň 2 müň 207 adama ýetendigini, ýaralananlaryň sanynyň bolsa 12 müň 268 adama ýetendigini mälim etdi.
100 müňden gowrak öýüň ýumrulan we zyýan ýeten ýer titremede ýene-de 344-den gowrak adamyň dereksiz ýitendigi aýan edildi.
Resmiler, ýurtda uly weýrançylygyň başdan geçirilendigini belläp, harabalyklaryň aşagyndaky adamlaryň tapylmagy üçin gözleg we halas ediş işleriniň dowam edýändigini habar berdiler.
Uly weýrançylyga sezewar galan ýurt halkara derejede ýardam berilmek barada çagyryş berdi.
Gaitiniň Premýer ministri Ariel Genri beren beýanatynda, ýer titreme sebäpli ençeme binanyň ýumrulandygyny mälim edipdi.
Genri ýurtda 1 aýlyk möhlet bilen adatdan daşary ýagdaýyň yglan edilendigini beýan etdi.