Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasy bilen Türkmenistanyň Döwlet medeniýet merkeziniň Döwlet kitaphanasynyň bilelikde guramagynda 2026-njy ýyl Garaşsyz, baky Bitarap Türkmenistanbedew batly at-myradyň mekany ýyly mynasybetli söhbetdeşlik geçirildi.
Söhbetdeşlikde çykyş edenler eziz Watanymyzda 2026-njy ýyl Garaşsyz, baky Bitarap Türkmenistan-bedew batly at-myradyň mekany ýyly diýip atlandyrylmagy ildeşlerimizde aýratyn ruhubelentlik duýgusyny döredip, Mukaddes Garaşsyzlygymyzyň 35 ýyllygyna beslenjek ýylyň ahalteke bedewi bilen baglanyşdyrylmagy ýeneki üstünliklere ynamy artdyrýandygy barada buýsanç bilen beýan etdiler. Şeýle-de ahalteke bedewleri gaýduwsyz türkmen ýigitleriniň wepaly dosty, kyn gününde syrdaşy bolup, ynsana mahsus gylyk häsiýeti hem-de eýesine wepalylygy bilen meşhurlyga eýedigi barada gürrüň berdiler.
Söhbetdeşligiň ahyrynda bedew batly belent ösüşlerimiziň sakasynda duran Gahryman Arkadagymyza, Arkadagly Gahryman Serdarymyza alkyş sözlerini aýtdylar.