Günsaýyn senagatlaşýan sport äleminiň ekonomikasy yzygiderli ýokarlanýar.Sport äleminde türgenleriň gazanýan pul mukdarlary ýylsaýyn artýar we täze-täze milliarderler ýüze çykýar.Dünýä belli “Forbes” žurnalynyň habar bermegine görä, geçen 2018-nji ýylyň iň köp pul gazanan türgeni amerikaly boksçy Floýd Meýwezer bolup, ol 285 million dollar gazandy. 23-nji orunlary futbolyň iki super ýyldyzy Lionel Messi bilen Kristiano Ronaldo eýeledi.
Argentinaly oýunçy 111, mundan öňki 2 ýylyň birinjisi, portugaliýaly futbolçy Ronaldo 108 million dollar gazanmagy başardy.Söweş sungatlarynyň öňdebaryjylaryndan irlandiýaly Konor MakGregor hem 99 million dollar bilen 4-nji orna mynasyp boldy. 90 million dollar bilen braziliýaly futbolçy Neýmaryň 5-nji bolan sanawynda 85,5 million dollar gazanç eden amerikaly basketbolçy LeBron Jeýms 6-njy ýeri eýeledi. 77,2 million dollarlyk gazanjy bilen şweýsariýaly tennisçi Rojer Federer 7-nji, amerikaly basketbolçy Stefan Körri 8-nji (76,9 million $) bolup sanawa goşuldy.
Amerikan futboly sportunyň görnükli wekilleri Mett Raýan (67,3 million. $) bilen Mettýuw Stafford (59,5 million $) ilkinji 10-lygy jemleýän türgenler boldy.
40-sy basketbolçyGeçen ýylyň iň köp girdeji gazanan türgenleri sanawyndaky ilkinji 100 türgeniň 40-synyň Amerikanyň Milli basketbol ligasy NBA-nyň ýyldyzlarydygy aýratyn bellärliklidir.Sanawda amerikan futboly sportunyň oýunçylaryndan hem 18-siniň adyna duş gelinýär. Şeýle-de 14 beýsbolçy, 9 futbolçy sanawa giripdir.
Ilkinji 100-likde tennisçidir boksçularyň 4-si, awtomobil sportlarynyň sürüjileriniň 3-si, ýeňil atletikadan, söweş sungatlaryndan we kriket sportlaryndan 1 türgen bar.
6-njy milliarder türgenGalyberse-de, geçen ýylky gazanjyndan soň, Floýd Meýwezeriň umumylykdaky girdejisi 1 milliard dollara ýetdi. Şu wagta çenli ýeke tutluşygynda-da ýeňlip görmedik boksçy Floýd Meýwezer basketbolçy Maýkl Jordan, golfçular Taýger Wuds, Arnold Palmer, Jek Niklaus (hemmesi-de amerikaly) hem-de F1 sürüjisi Mihael Şumaherden (Germaniýa) soň, girdejisini 1 milliard dollardan geçiren 6-njy türgen boldy.
Häzirki wagtda dünýä belli basketbolçy, ady rowaýata öwrülen Jordan 1,85 milliard dollarlyk gazanjy bilen ähli zamanalaryň iň köp köp pul gazanan türgenidir. 15 ýyllyk karýerasynda 6 gezek NBA-nyň çempiony bolan Jordan karýerasy boýunça 93 million dollar gazandy.
Onuň girdejisiniň hemmesi diýen ýaly söwda we mahabatlardan geldi.