Dünýä belli oýnawaç, “Barbi” gurjagy baradaky “Barbi” (Barbie) filmine Greta Gerwig režissýorlyk edýär.Ol filmiň ssenarisini Noa Baumbah bilen bilelikde ýazdy.Zenan režissýoryň bu filminde baş keşpleri Margo Robbi (Barbi) bilen Raýan Gosling (Ken) janlandyrýar. Şol sanda Keýt MakKinon, Maýkl Sera, Simu Liu, Will Ferrell, Emma Makki, Amerika Ferrera, Dua Lipa dagy beýleki keşpleri ýerine ýetirýär. 145 million dollar möçberinde çykdajy edilen filmiň prokatlardan ýygnany häzirlikçe 500 million dollara golaýlap barýar.
Film “Warner Bros.” kompaniýasynyň Londondaky hem-de Kaliforniýanyň kenarýakasynda ekranlaşdyryldy.Ilkinji 3 günde ABŞ we Kanadanyň kinoteatrlaryndaky görkezilişinden 162 million dollar toplan film ýylyň iň şowly başlan kinosy boldy. Şol bir wagtyň özünde zenan režissýorlaryň surata düşüren filmleriniň arasynda ilkinji 3 günde iň köp girdeji gazanan kino hökmünde hasaba alyndy.
Ady: “Barbi” (Barbie)
Režissýory: Greta Gerwig
Keşplerde: Margo Robbi, Raýan Gosling, Amerika Ferrera, Keýt MakKinnon, Maýkl Sera, Ariana Grinblatt, Simu Liu, Issa Rae, Rea Perlman, Will Ferrell, Emma Makki, Dua Lipa, Helen Mirren
Ssenariçi: Greta Gerwig, Noa Baumbah (“Mattel, Inc.” kompaniýasynyň “Barbie” oýnawaçlary esasynda)
Prodýuseri: Dewid Heýman, Margo Robbi, Tom Akerli, Robbi Brenner
Kompozitory: Mark Ronson, Andrýuw Wýatt
Öndüriji: “Heyday Films”, “LuckyChap Entertainment”, “NB/GG Pictures”, “Mattel Films”
Paýlaýjy: “Warner Bros. Pictures”
Dowamlylygy: 114 minut
Görnüşi: fantastik komediýa
Ýurdy: ABŞ
Dili: iňlisçe
Býujeti: 145 million $