Eýranyň öňki Prezidenti Mahmud Ahmadinežad 28-nji iýunda geçjek möhletinden öňki Prezident saýlawlaryna gatnaşmakçydygy barada beýanat berdi diýip, Asriran habarlar gullugyna salgylanýan Kun.uz habar berdi.
Mahmud Ahmadinežad Eýran Yslam Respublikasynyň altynjy Prezidenti bolup, 2005-2013-nji ýyllarda bu wezipäni eýeledi. Ýurduň Parlamentindäki tarapdarlary Ahmadinežady ýurtda iň meşhur syýasatçylaryň biri hökmünde häsiýetlendirip, ony saýlawlarda goldajakdygyny mälim etdiler.
Parlamentiň deputaty Ahmad Alirza Beýgi: Eger Mahmud Ahmadinežad Prezident saýlawlaryna gatnaşsa, ol ýeňer diýip, beýanat berdi diýlip, habarda bellenýär.
Prezident saýlawlaryna gatnaşmak isleýän dalaşgärler Eýranyň Synçy geňeşi- saýlawlarda Konstitusion synçy edara tarapyndan tassyklanmalydyr.