Hytaýda ýarym marafon ylgawynda ýeňijilere medallaryň ýerine sygyr we towuklary teklip etdiler diýip, Asia One neşirine salgylanýan Gazeta.ru ýazýar.
Ýagny Nong'an Taipingchi Ice and Snow ýaryşynyň guramaçylary türgenleri sylaglamakda adaty bolmadyk çemeleşme barada yglan etdiler. Birinji orny eýelän sygyr, beýleki türgenler bolsa, ýabany balyk, gaz ýa-da towuk alyp bilerler. Bu has köp adam çekmek hem-de ýerli oba hojalyk önümlerini wagyz etmek maksady bilen edildi.
Ýaryşyň guramaçylary baýraklaryň özüne çekijidigine hem-de türgenleriň öz sylaglaryna buýsanjakdyklaryna ynanýarlar.
Bu täzelik Hytaýyň sosial ulgamlarynda uly seslenme döretdi. Internet ulanyjylar eger ýeňiji daşary ýurtly bolsa, sylag alan sygry üçin hem otla petek almagyň gerekdigini ýazyp, degişýärler.