Hytaý Halk Respublikasynyň Döwlet baştutany we Hytaý Komunist partiýasynyň lideri Si Szinpin, Aziýa-Ýuwaş umman Ykdysady hyzmatdaşlygynyň Sebitleýin forumyň başlyklyk sammitine gatnaşmak maskady bilen ABŞ-nyň San-Fransisko şäherine bardy.
Hytaýyň Döwlet baştutany Si Szinpin sammitiň çäginde ABŞ-nyň Prezidenti Jo Baýden bilen şu gün geçirmegi meýilleşdirilen duşuşyk, metbugat tarapyndan ýakyndan gözegçilik edilýär.
ABŞ-nyň we Hytaýyň Döwlet baştutanlarynyň iki uly güýjüň arasyndaky dartgynlygyň artan bir zamanasynda geçirjek maslahaty, iki lideriň soňky 1 ýylda geçirjek ilkinji duşuşygy bolar.
Dünýä ykdysadyýetiniň 60 göterimini öz düzüminde jemleýän 21 ýurdy öz içine alýan forumdan ozal taraplardan oňyn ýüzlenmeler gelýär.
Jo Baýden düýn beren beýanatynda, ABŞ-nyň Hytaýdan uzaklaşmaga synanyşmaýandygyny, tersine has gowy gatnaşyklar isleýändigini habar berdi.
Jo Baýden metbugata beren beýanatynda, Hytaýyň lideri bilen geçirjek duşuşygynyň maksady bieln bagly soraga: "Kadaly aragatnaşyk tapgyryna gaýdyp gelmek, krizis ýagdaýynda telefon arkaly söhbetdeşlik geçirip bilmek we goşunlarymyzyň biri-birleri bilen aragatnaşyk içinde bolmaklary" diýip jogap berdi.
Ýokary derejeli resmilerden gelip gowuşan, emma entek çürt-kesik bolmaýan maglumatlara görä iki lider, San-Fransiskonyň Woodside şäherçesindäki taryhy oba öýi muzeýi bolan Filoli Estatede duşuşyk geçirerler.