Italiýanyň Daşary işler ministrliginiň ýolbaşçylary daşary syýasy edaralaryň arasyndaky geňeşmeleri geçirmek maksady bilen ýakyn wagtda Aşgabada sapar bilen gelerler. Bu barada Türkmenistanyň resmi metbugaty şenbe güni habar berdi.
Türkmenistanyň Italiýadaky ilçisi Toýly Kömekow bilen Italiýanyň DIM-niň ýolbaşçysy Edmondo Çiriýelli çarşenbe güni Rim şäherinde ýokary derejeli italýan wekiliýetiniň türkmen paýtagtyna amala aşyrjak saparyna taýýarlyk görmek boýunça meseleleri maslahatlaşdylar.
Gepleşikleriň barşynda taraplar halkara guramalaryň çäklerindäki gatnaşyklary giňeltmek we ylmy, medeni, söwda-ykdysady ulgamlardaky hyzmatdaşlygy çuňlaşdyrmak boýunça anyk çäreleri nygtadylar.
Duşuşygyň dowamynda 2024-nji ýylyň dekabrynyň başynda bilim, saglygy goraýyş, energetika we durnukly ösüş ulgamlarynda italýan hünärmenlerinden ybarat wekilçilikli toparyň türkmen paýtagtyna sapar bilen barjakdygy bellenildi. Saparyň maksady şu ýylyň maý aýynda Rim şäherinde geçirilen “Italiýa Merkezi Aziýa” duşuşygynda gazanylan ylalaşyklary durmuşa geçirmekden ybaratdyr.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
X: Biznes Türkmenistan
Dzen: Бизнес Туркменистан