Kanadanyň Ontario ülkesinden bolan ýaşaýjy ýigrimi ýyllap lotereýa oýnuna gatnaşyp gelse-de, hemişe şowsuzlyga duçar bolýardy. Emma ol indi öz ulagynyň bulgur goýulýan ýerinde unudan lotereýa peteginiň arkasyndan uly möçberde pul utdy diýip, The Sun gazeti habar berdi diýip, MIR24 ýazýar.
46 ýaşly Kris Leggattanyň aýtmagyna görä, ol uzak ýyllar lotereýa peteklerini satyn alypdyr, emma her gezegem boş çykypdyr. Ol golaýda öz awtoulagynyň bulgur goýulýan ýerinde ýatdan çykaran lotereýa petegini tapypdyr.
Netijede, onuň utuşlydygy belli bolupdyr. Erkek kişi 67 müň kanada dollaryny utupdyr. Ol utuşy üçin lotereýa oýnunyň Torontodaky düýp edarasyna gidipdir.
Ilkibaşda men muňa ynanmadym, emma indi pul çekimi alanymdan soňra baýandygyma düşündim diýip, kanadaly aýdýar.
Kris Leggatta utuşynyň bir bölegini öýüniň abatlaýyş işlerine harçlamakçydygyny we öňdäki gyşda deňze gidip, oňat dynç almagy meýilleşdirýändigini gürrüň berýär.