Futbol janköýerleriniň sabyrsyzlyk bilen garaşan Katar 2022 Dünýä Kubogyna şu gün badalga berler. 28 günläp dowam etjek çempionatyň açylyş duşuşygynda Katar bilen Ekwadoryň ýygyndylary duşuşar.Aşgabat wagty bilen 21:00-da başlanjak duşuşyga italiýaly Daniele Orsato eminlik eder.
Bu onuň jürlewük çaljak ilkinji Dünýä Kubogy duşuşygy bolar.Duşuşyk Al Hor şäherindäki 60 müň orunlyk “Al Bayt” stadionynda oýnalar.
Iki topar mundan öň 3 gezek özara duşuşyk geçirdiler. Hersi 1 gezek ýeňiş gazanyp, 1 duşuşyk hem deňlikde tamamlandy. Gollarda iki topar hem 6 gol geçirdi.
Dünýä Kubogy ýaryşlarynyň açylyş oýunlarynda da soňky 4 çempionatda ýer eýeleri ýeňiş gazandy. 2006-njy ýylda Germaniýa Kosta Rikadan 4-2 üstün çykypdy. 2014-nji ýylda Braziliýa Horwatiýany 3-1 hasabynda ýeňipdi.
Mundan öňki ýaryşda, ýagny Russiýa 2018-de ýer eýesi ruslar Saud Arabystanynyň ýygyndysyny 5-0 hasabynda ýeňip, çempionata taryhy hasap bilen başlapdylar. 2010-njy ýylda Afrikada geçirilen ýaryşda ýer eýeleri Günorta Afrikanyň ýygyndysy Meksika bilen 1-1 deňme-deň oýnapdy.