Ýaponiýanyň täze saýlanan premýer-ministri Fumio Kisida ýurduň hökümet başlygynyň resmi şahanasyna, ýagny rezidensiýasyna göçüp bardy. Ol şeýle etmek bilen, soňky on ýylda bu ýerde ornaşan ilkinji hökümet başlygy boldy. Onuň bilen birlikde premýeriň kätibi bolup işleýän uly ogly hem şahanada ýerleşdi.
Premýer-ministr wezipesine bellenmänkä, Kisida mejlisiň deputatlary üçin umumy ýaşaýyş jaýynda ýaşaýardy. Onuň täze öýi— rezidensiýasy esasy hökümet edarasyna ýanaşyk ýerleşýär.
Resmi şahanada ýaşan soňky premýer Ýesihiko Nodadyr, ol bu ýere 2011-nji ýylda göçüp barypdy.
Şu ýylyň 4-nji oktýabrynda Fumio Kisida ýurduň täze, 10-njy hökümet başlyklygyna saýlandy.
Ol 2012-2017-nji ýyllarda Sindzo Abeniň kabinetinde daşary işler ministri wezipesini eýeledi, hökümet başlyklygyna saýlanan wagty Ýaponiýada hökümet başyndaky Liberal-demokratik partiýanyň ýolbaşçysydy.