Ýewropanyň Täzeleniş we ösüş banky maslahat beriş kompaniýalarynyň wekillerini hem-de şahsy maslahatçylary Müşderi bilen gepleşikleri geçirmegiň usullary atly ussatlyk sapagyna gatnaşmaga çagyrýar. Bu barada Türkmendeňizderýaýollary agentliginiň resmi saýtynda habar berildi.
Bu çäre 26-njy aprelde Aşgabatda Ýyldyz myhmanhanasynda geçiriler. Ussatlyk sapagy tölegsiz geçirilip, Ýewropa Bileleşigi tarapyndan maliýeleşdirilýär.
Habarda bellenilişi ýaly, ussatlyk sapagy gatnaşyjylara müşderi bilen duşuşygyň inçe tilsimlerini özleşdirmäge, gepleşikleri geçirmek boýunça ukyp-başarnyklaryny kämilleşdirmäge ýardam berer.
Ussatlyk sapagyny işewür-maslahatçy Wladimir Çernýawskiý geçirer. Ol Belgiýadaky Guramaçylyk we sosial ösüş halkara institutynda Guramaçylyk ösüşi we üýtgeşmeleri dolandyrmak: adamlar we ulgamlar maksatnamasy boýunça bilim aldy.
Çärä gatnaşmak üçin degişli nusgadaky ýüztutmany doldurmaly we ony kompaniýa baradaky maglumat hem-de maslahatçynyň rezýumesi bilen 2024-nji ýylyň 16-njy apreline çenli ovezovat@ebrd.com elektron salgysyna ibermeli.
Goşmaça maglumat almak üçin şu telefon belgisi:
(+99363) 29-68-94.