Microsoft kompaniýasy üç ýyldan bir gezek Windows operasion sistemalaryň täze esasy wersiýalaryny çykarmagy meýilleşdirýär. Kompaniýanyň täze önümlerine ýöriteleşýän “Windows Central” neşiriniň habar bermegine görä, täze OS 2024-nji ýylda çykarylar. Bu barada TASS belleýär.
Neşiriň maglumatlary boýunça, öň täze operasion sistemany 2023-nji ýylda çykarmak meýilleşdirilipdi. Şeýle-de, Microsoft indiki ýyl esasy täzelenmelerden daşary ýylyň dowamynda goşmaça funksiýalaryň girizilmegine mümkinçilik berjek täze prosesi ýola goýmagy meýilleşdirýär. Şeýle üýtgeşmeleri ýylda dört gezege çenli girizip bolar diýlip çaklanylýar. Ýatlap geçsek, Microsoft soňky Windows 11 operasion sistemasyny 2021-nji ýylyň oktýabr aýynda çykardy.