Italiýanyň Milan kluby CAFA Nation's Cup halkara ýaryşynda gatnaşýan hüjümçini düzümine goşmak barada pikirlenýär. Has takygy, italýan topary Eýranyň milli ýygyndysynyň hüjümçisi Mehdi Taremini satyn almak mümkinçiliklerini seljerýär.
Ýeri gelende bellesek, Mehdi Taremi häzirki wagtda Portugaliýanyň Portu toparynda çykyş edýär. Portugal topary geçen möwsümde içerki çempionatda iň netijeli oýunçy bolan Taremini satmak barada pikir edenok.
Emma oýunçynyň şertnamasynyň bir ýyldan soňra tamamlanýandygy Milandan amatly teklip gelen halatynda Portunyň ýolbaşçylaryny ylalaşyga razy edip biler.
Şol bir wagtyň özünde Milan hüjümi güýçlendirmek üçin Mýunhengladbahyň Borussiýa toparynda oýnaýan Markus Týuram hem-de West Hemiň hüjümçisi Janluka Skamakka bilen hem gyzyklanýar