UEFA Çempionlar Ligasynda 4-nji tapgyryň duşuşyklary geçirildi.Bu kubogy iň köp gazanan 2 topary “Real” bilen “Milan” Madridde duşuşdy. Çekeleşikli geçen oýunda “Milan” ozalky tälimçisi Karlo Ançelottiniň toparyny 3-1 hasabynda ýeňlişe sezewar etdi.
Soňky 15 “Realy” ilkinji gezek ýeňen “Milana” 3 utyk gazandyran gollary 12-nji minutda Malik Tşau, 39-njy minutda Alwaro Morata hem-de 73-nji minutda Tiýýani Reýnders geçirdi. “Realyň” ýeke-täk goluny bolsa 23-nji minutda penaltiden Winisius Junior öz adyna ýazdyrdy.
Iki topar mundan öňe 15 gezek duşuşyp, şolarda hersi 6 oýunda ýeňipdi. Şol wagtyň özünde “Real” 15 ýyldan soň öz meýdançasynda yzly-yzyna 2 duşuşykda 3 we 3-den köp gol geçirdip, ýeňlişe sezewar boldy.