Owganystanyň Goranmak ministrligi tarapyndan berilen beýanatda, ýurdyň günortasyndaky Kandagar şäheriniň Arghandab diýilen ýerinde Talibana garşy giň göwrümli operasiýanyň geçirilendigi habar berildi.
Beýanatda sebitiň gözegçiliginiň üpjün edilendigi, Talibana agza 75 başbozaryň bolsa öldürilendigi mälim edildi.
Mundan başgada ýurdyň Zabul, Kunar, Nangarhar we Takhar sebitlerinde hem Talibana garşy saplaýyş operasiýalaryň geçirilýändigi we ençeme başbozaryň täsirsiz ýagdaýa getirilendigi aýan edildi.
Kandagaryň Içeri işler müdürligi tarapyndan berilen beýanatda hem öldürilen başbozarlaryň arasynda Talibanly serkerdeleriň hem bardygy mälim edildi.
Talibanyň metbugat sekretary Zabihullah Müjahid beren beýanatynda bolsa, ýurdyň paýtagty Kabulyň Panja Çinar diýilen ýerinde partlaýjy ýüklenen ulag bilen guran hüjümlerinde 45 esgeriň öldürilendigini ýa-da ýaralanandygyny, howpsuzlyk güýçlerine degişli köp sanda ulagyň ýok edilendigini öňe sürdi.