26-njy iýunda "Türkmenhowaýollary" awiakompaniýasy Pekin - Türkmenabat ýörite gatnawy arkaly pandemiýa zerarly Hytaýda galan türkmen raýatlaryny alyp gelmegi meýilleşdirýär.
T5608 uçar gatnawy Pekin wagty bilen sagat 04:50-de “Pekin Şoudu” halkara howa menzilinden uçup, sagat 08:50-de Türkmenabadyň halkara howa menziline gonar.
“Boeing 777-200LR” kysymly uçar bilen amala aşyryljak bu gatnaw Türkmenistanyň Hökümetiniň tabşyrygy esasynda alnyp barylýar.
Ýurdumyza getiriljek ähli ýolagçylar 21 günlük karantin çärelerini berjaý ederler.