Prezident Gurbanguly Berdimuhamedowyň 7-nji ýanwardaky kararlaryna laýyklykda:
Gurbanmuhammet Annaýew Ahal welaýatynyň Bäherden etrabynyň häkimi wezipesine;
Halžan Nuržanow Daşoguz welaýatynyň Gubadag etrabynyň häkimi wezipesine bellenldi. Ozalky häkim Töregylyç Nazarow, işde goýberen kemçilikleri üçin, Daşoguz welaýatynyň Gubadag etrabynyň häkimi wezipesinden boşadyldy;
Ozal Lebap welaýatynyň Halaç etrabynyň häkiminiň orunbasary wezipesinde işlän Batyr Gylyjow Lebap welaýatynyň Döwletli etrabynyň häkimi wezipesine bellenildi. Ozalky häkim Abdyşükürow Süleýman Orunbaýewiçi, işde goýberen kemçilikleri üçin, Lebap welaýatynyň Döwletli etrabynyň häkimi wezipesinden boşadyldy;
Ozal Lebap welaýatynyň Türkmenabat şäheriniň häkiminiň orunbasary wezipesinde işlän Söhbet Allakulyýew Lebap welaýatynyň Köýtendag etrabynyň häkimi wezipesine bellenildi. Ozalky häkim Aşyr Kurbandurdyýew işde goýberen kemçilikleri üçin Lebap welaýatynyň Köýtendag etrabynyň häkimi wezipesinden boşadyldy;
Agamyrat Agamyradow Mary welaýatynyň Murgap etrabynyň häkimi wezipesine bellenildi. Ozalky häkim Babajan Allanazarow işde goýberen kemçilikleri üçin wezipesinden boşadyldy.
Prezidentiň kararlaryna laýyklykda:
Aýdogdy Nurgeldiýew Ahal welaýatynyň Bäherden etrabynyň häkiminiň wezipesini wagtlaýyn ýerine ýetirmekden boşadyldy;
Nurýagdy Ýazdurdyýew, işde goýberen kemçilikleri üçin, Daşoguz welaýatynyň Gurbansoltan eje adyndaky etrabynyň häkiminiň orunbasary wezipesinden boşadyldy;
Derkar Ilmädow Daşoguz welaýatynyň Gurbansoltan eje adyndaky etrabynyň häkiminiň orunbasary wezipesine;
Jumanazar Maşaripow Lebap welaýatynyň Halaç etrabynyň häkiminiň orunbasary wezipesine;
Baýram Açilow Lebap welaýatynyň Türkmenabat şäheriniň häkiminiň orunbasary wezipesine bellenildi;
Batyr Ibragimow, işde goýberen kemçilikleri üçin, Lebap welaýatynyň Türkmenabat şäheriniň häkiminiň orunbasary wezipesinden boşadyldy;
Furkat Burhanow Lebap welaýatynyň Türkmenabat şäheriniň häkiminiň orunbasary wezipesine bellenildi.