Fransiýanyň çempionatynda PSŽ öz meýdançasynda ýene bir ýola ýeňlişe sezewar boldy.Parižde Loriýandan 3-1 hasabynda utulan PSŽ şu möwsümde 6-njy gezek ýeňildi.PSŽ topary katarly işewürler tarapyndan satyn alnandan soň, ýagny 12 ýyldan bäri 2-nji gezek bir möwsümde 6-njy sapar ýeňlişe sezewar boldy.
Duşuşykda Loriýanyň gollaryny Le Fi (15), Ýongwa (38), Dieng (88) geçirdi. 20-nji minutdan soň 1 oýunçy kem (Aşraf Hakimi 20-nji minutda 2-nji sarydan soň gyzyl kart aldy) oýnan PSŽ-niň ýeke-täk goluny 29-njy minutda Kilian Mbappe derwezä girizdi.
2-nji ýerdäki Marsel öz meýdançasynda Oseri Jengiz Ünder we Aleksis Sançesiň soňky 15 minutda geçiren gollary esasynda 2-1 hasabynda ýeňdi. Bu ýeňişden soň PSŽ bilen Marseliň arasyndaky utuk aratapawudy çempionatyň tamamlanmagyna 5 tapgyr galanda 5-e düşdi.