UEFA Çempionlar ligasynda düýnki oýnalan 8 duşuşykda 22 gol hasaba alyndy. “E” toparçada “Çelsi” myhmançylykda “Krasnodardan” Hodson-Odoiniň (37), Werneriň (76 p), Ziýeşiň (79) hem-de Pulişiçiň (90) gollary bilen 4-0 üstün çykdy. “Sewilýa” bolsa öz meýdançasynda “Renn” toparyny 1-0 utdy (Luuk de Ýong 55). “F” toparçada “Borussiýa Dortmund” öz meýdançasynda “Zeniti” Sanço (78 p) we Hollannyň (90+1) gollary bilen 2-0 utdy. “Zenit” 2018-nji ýyldan soň, ilkinji gezek yzly-yzyna 3 duşuşykda utuldy. “Lasio” öňe saýlanan oýnunda “Klub Brýugge” bilen 1-1 deňme-deň oýnady.
Tapgyryň merkezi duşuşygynda “Ýuwentus” öz meýdançasynda “Barselonadan” 2-0 ýeňildi. 11-nji duşuşykda 5-nji gezek “Ýuwentusy” ýeňmegi başaran “Barselonanyň” gollaryny Dembele (bilen penaltiden Messi geçirdi.Bu duşuşykda 1-nji goluň pasyny beren Messiniň Çempionlar ligasyndaky asistleriniň sany 35-e ýetdi.
Bu ugurda ondan öňde diňe 38 asist bilen Kristiano Ronaldo bar. Şeýle-de Lionel Messiniň toparçalarda geçiren gollary-da 70-e ýetdi.
1-nji ýarymda 2 gol geçiren “Dinamo Kiýew” oýnuň soňuna çenli bu üstünligini saklap bilmedi. Wenger topary Ferenswaroşyň oýunçylary soňky minutda hasaby deňläp, ilkinji utugyny gazandy.
“H” toparçada “Mançester Ýunaýted” öz meýdançasynda “Leipsigi” 5-0 utdy. Duşuşykda oýna soň goşulan Markus Reşford het-trik etdi. Ol bu ýaryşda het-trik eden 6-njy “ýunaýtedli” futbolçy boldy.
Neýmaryň şikes alan duşuşygynda PSŽ myhmançylykda “Istanbul Başakşehir” täze transferi Moýza Kiniň gollary bilen 2-0 hasabynda ýeňdi.
Şunlukda, 2-nji duşuşyklarda 4 topar bilen gatnaşýan Italiýanyň ýeke kluby hem ýeňiş gazanmady (3 deňlik, 1 ýeňliş). 3 klubly ýurtlardan ýeke rus toparyna-da ýeňiş gazanmak başartmady. 4 topar bilen wekilçilik edýän iňlis klublarynyň ählisi-de 2-nji tapgyrda uly hasaply ýeňişler gazandylar. 3 topary ýeňiş gazanan ispanlaryň 1 kluby deňme-deň oýnady.
Toparçalardaky 3-nji oýunlar geljek hepdäniň sişenbe we çarşenbe agşamlarynda, ýagny 3-4-nji noýabrda oýnalar.