Ispaniýanyň çempionatynda “Barselona” öz meýdançasynda “Malýorkany” 52 ýeňdi.Oýunda 3 gol geçiren Lionel Messi “La Ligadaky” het-trikleriniň sanyny 35-e ýetirip, Ronaldonyň (34 het-trik) rekordyny öz adyna geçirdi. “La Ligada” başga bir rekord hem hasaba alnyp, “Betis”“Atletik” duşuşygynda ýer eýeleri 32 hasabynda ýeňşini baýram etdi. Şonda sewilýalylara ýeňiş getiren 3 goly hem weteran futbolçy, 38 ýaşly (38 ýaş 140 gün) Hoakin Sançes öz adyna ýazdyrdy. Şeýlelikde, ol “La Liganyň” taryhynda het-trik eden iň ýaşuly futbolçy rekordyny “Real Madridiň” rowaýaty oýunçysy 37 ýaşynda 3 gol geçiren Alfredo Di Stefanodan almagy başardy. “La Ligada” soňky tapgyrda “Real Madrid” öz meýdançasynda “Espanýoly” fransiýaly oýunçylary Waran we Benzemanyň gollary bilen 20 ýeňdi.
* Germaniýanyň “Bundesligasynda” “Bawariýa” myhmançylykda sanawyň lideri “Borussiýa M” toparyndan 21 asgyn gelip, yzly-yzyna 2-nji, möwsümdäki 4-nji ýeňlişini aldy. Ýer eýelerine ýeňiş getiren gollaryň ikisini hem 60-njy we 90+2-nji minutlarda Bensebaini geçirdi. “Leipsigiň” öz meýdançasynda “Hoffenhaýmy” 31 ýeňen tapgyrynda “Borussiýa” topary Dortmundda Roýs hem-de Sançonyň hersiniň 2 gol geçiren oýnunda “Fortuna Düsseldorfdan” 50 üstün çykdy.
* Angliýanyň çempionatynda Mançester derbisinde ýeňiş myhmançylykda çykyş eden “Ýunaýtediň” tarapynda boldy.Reşford we Marsialyň gollary bilen “Sitini” 21 hasabynda ýeňen “Ýunaýted” 5-nji orna beýgeldi.Sanawyň lideri “Liwerpul” myhmançylykda “Bornmutdan” 30 üstün çykdy.
Wardiniň 2 gol geçiren oýnunda “Lester” myhmançylykda “Aston Willany” 41 utdy.London derbisinde “West Hamdan” 31 üstün çykan “Arsenal” çempionatda 8 oýundan soň, ilkinji ýeňşini gazandy.
“ÝUWENTUSYŇ” ILKINJI ÝEŇLIŞI
* Italiýanyň çempionatynda “Ýuwentus” myhmançylykda “Lasiodan” 31 asgyn gelip, şu möwsümde ilkinji ýola ýeňlişe sezewar boldy. Rimlileriň gollaryny Luis Felipe, Milinkowiç-Sawiç hem-de Kaisedo derwezä girizdi. “Inter” bilen “Romanyň” arasyndaky oýundan gol sesi eşidilmedi.
* Fransiýanyň çempionatynda sanawyň lideri PSŽ myhmançylykda “Monpelieni” ýyldyzlary — Neýmaryň, Mbappeniň hem-de Ikardiniň gollary bilen 31 utdy.
BIRINJI AÝLAW TAMAMLANDY
* Russiýanyň çempionatynda 1-nji aýlaw tamamlanyp, “Zenit” 10 utuk öňde barýar. Sankt-peterburglylar öz meýdançasynda “Dinamony” Azmunyň, Iwanowiçiň, Dzýubanyň gollary bilen 30 ýeňdi. Moskwanyň “Lokomotiwi” myhmançylykda “Arsenal Tuladan” 40, “Spartak” bolsa öz meýdançasynda “Rostowdan” 41 asgyn geldi.