Demirgazyk Koreýanyň Merkezi habarlar agentligine esaslanyp berilen habara görä Russiýanyň Döwlet baştutany Wladimir Putin Demirgazyk Koreýanyň lideri Kim Çen Yna aralaryndaky aýratyn dostlugyň alamaty hökmünde şahsy taýdan ulanmagy üçin rus önümi bolan ulag sowgat berdi.
Modeli aýan edilmedik ulag, Kim Çen Ynyň gyz jigisi Kim Ýo Çžon bilen Zähmetkeşler partiýasynyň merkezi komitetiniň sekretary Pak Žon Çon tarapyndan gowşurylyp alyndy.
Kim Ýo Çžon bu sowgadyň iki ýurduň liderleriniň arasyndaky ýörite gatnaşyklaryň nyşanasydygyny aýtdy we Putine doganynyň minnetdarlygyny bildirdi.
Demirgazyk Koreýanyň lideri Kim Çen Yn Russiýa geçen ýylyň sentýabr aýynda guran saparynda, Putiniň şahsy Aurus Senat limuzin ulagyna münüpdi. Iki ýurduň arasyndaky gatnaşyklaryň şol sapardan soň has hem ösendigi habar berildi.