UEFA Çempionlar ligasynda toparçalardaky 3-nji
duşuşyklarda 62 gol geçirildi. “Bawariýa”, “Mançester Siti”, “Liwerpul” hem-de “Barselona”
häzirlikçe ýeke utuk hem ýitirmän ýaryşy säwliksiz dowam edýär. 4 klub bilen wekilçilik edýän ýurtlardan nemes toparlarynyň
hemmesi-de edil geçen tapgyrdaky iňlis klublary ýaly ýeňiş gazanmagy başardy.
Uly hasaply ýeňiş gazanan nemes toparlarynyň 2-si
6 gol geçirdi. Ispan toparlaryň 3-si ýeňiş gazanyp, 1-i
deňme-deň oýnady. 3 kluby ýeňiş gazanan iňlis
toparlary ilkinji gezek ýeňildi. Ýagny “Mançester
Ýunaýted” Çempionlar ligasynda şu möwsümde utulan
ilkinji iňlis kluby boldy. Italýan toparlaryň 2-si
ýeňiş gazanyp, 1-i deňme-deň oýnady, beýleki
biri-de ýeňildi. Fransuz toparlarynyň 3-si hem
ýeňlişe sezewar bolup, rus klublary 3-nji
tapgyrda-da ýeňiş gazanyp bilmedi. Bu tapgyrda 3 futbolçy het-trik etdi. 8 oýunda ýer
eýeleri, 6 duşuşykda myhmanlar ýeňiş gazandy.
Ähli duşuşykda gol geçirilip, 2 oýun deňlikde
tamamlandy.
“A” toparçada “Bawariýa” myhmançylykda “Red Bull Salsburg” bilen duşuşdy. Oýnuň 79-njy minutyna
çenli deňme-deň dowam eden duşuşygyň soňky 11 minutynda
nemes topary 4 pökgi geçirdi. 6-2 hasabynda ynamly ýeňiş
gazanan “Bawariýa”
bassyr 14-nji duşuşykda garşydaşlaryndan üstün
çykyp, bu ugurda öz rekordyny ösdürdi. “Lokomotiw Moskwa” bilen “Atletiko Madrid” 1-1 oýnap, hersi 1 utukdan paýlaşdylar.
“B” toparçada tapgyryň
iň esasy oýnunda “Real Madrid” öz
meýdançasynda “Interi” 32 hasabynda ýeňdi. Benzema (25) we Ramosyň (33) gollary bilen 2-0
öňe saýlanan “Real Madrid” italýan klubunyň hasaby deňlemeginiň öňüni alyp bilmedi.
Netijede, 80-nji minutda ätiýaçdan oýna giren Rodrygo owadan gol bilen
ispan klubuna ýeňiş getirdi. Duşuşykda kelle urgy bilen tapawutlanan Serhio Ramos “Real Madriddäki” 100-nji goluny derwezä girizdi. Toparçanyň beýleki oýnunda-da taryhy
netije hasaba alyndy. “Real Madridi” myhmançylykda 3-2
utup, ýeňiş bilen başlan “Şahtýor Donesk” öz meýdançasynda “Borussiýa M” toparyndan 6-0 asgyn geldi. Duşuşykda
nemes toparynyň 3 goluny fransiýaly hüjümçi Alassane Plea derwezä
girizdi.
“C” toparçadaky 2 oýunda-da ýer eýeleri 3-0 hasabynda üstün çykdy.
“Mançester Siti”
Angliýada “Olimpiakosy” 3-0 utup, 3-nji duşuşygynda-da
3 golly ýeňiş gazandy. “Porto” hem “Marseli” 3-0 ýeňmegi başardy. “Marsel” topary Çempionlar ligasynda yzly-yzyna 12-nji gezek utulyp, bu ugurda “Anderlehtiň” antirekordyna şärik boldy.
“D” toparçada “Liwerpul” myhmançylykda “Atalantanyyň” torundan jogapsyz 5 gol girizdi.
Duşuşykda iňlis klubunyň täze transferi Diogo
Žota 3 gol geçirdi. Ol “Liwerpulda” bu ýaryşda het-trik eden 9-njy futbolçy boldy. “Liwerpulyň” beýleki 2 goluny-da Salah bilen Mane geçirdi. “Liwerpul” 3-nji duşuşygynda-da ýeňiş gazanyp, ýoluny säwliksiz dowam
edýär. “Aýaks”
hem myhmançylykda ýaryşyň täze topary “Midtýullany” 2-1 hasabynda ýeňlişe sezewar etdi.
“E” toparçada “Çelsi” toparyna “Renn” klubuny ýeňmek kyn düşmedi. Werneriň 11 metrlik jerime
urgusynda geçiren 2 hem-de Abrahamyň 1 goly bilen 3-0 ýeňiş gazanan “Çelsi” utugyny 7-ä ýetirdi. “Krasnodar” myhmançylykda “Sewilýa” bilen duşuşyp, 2-0
öňe saýlanandygyna garamazdan ýeňlişe sezewar boldy. 1
oýunçy kem oýnan “Sewilýa” Rakitiç we En-Nesyriniň (2) gollary bilen 3-2 hasabynda ýeňiş
gazanmagyň hötdesinden geldi.
“F” toparçada Erling Hollannyň 2 gol geçiren oýnunda “Borussiýa Dortmund”
myhmançylykda “Klub Brýuggeni” 3-0 ýeňdi. Hollann Çempionlar ligasynyň çäginde 11-nji duşuşygynda
14-nji goluny geçirdi. “Zenit” bile “Lasio” bolsa 1-1 deňme-deň oýnady.
“G” toparçada “Barselona”
Messiniň ýene-de 11 metrlik jerime urgusyndan tapawutlanan duşuşygynda Kiýewiň “Dinamosyny” 2-1 utup, 3-nji duşuşygynda hem ýeňiş gazandy. “Ýuwentus” Alwara Moratanyň 2 gol
geçiren oýnunda “Ferenswaroşdan” myhmançylykda 4-1
üstün çykdy. 1 goluň
pasyny beren Ronaldo täze möwsümde
ilkinji gezek meýdança çykdy.
“H” toparçadaky 2 oýunda hem ýer eýeleri 2-1
hasabynda ýeňiş gazandy. Aýratynam, ýaryşa ilkinji
gezek gatnaşýan “Istanbul Başakşehiriň” şu möwsümde 10 oýundan
bäri myhmançylykda ýeňilmän gelýän iňlisleriň güýçli kluby “Mançester Ýunaýtedden” üstün
çykmagy tapgyryň garaşylmadyk wakasy boldy. Türk kluby Demba Ba we Edin Wişçanyň gollary bilen 2-1 hasabynda ilkinji
ýeňşini baýram etdi. Toparçadaky beýleki oýunda PSŽ Di Mariýanyň goly bilen öňe saýlansa-da, parižlilere üstünligini
saklamak başartmady. “Leipsig” topary Nkunku we Forsbergiň gollary bilen 2-1 hasabynda ýeňip, 2-nji
ýeňşini gazandy. Oýunda PSŽ-niň 2 futbolçysy (Geýe bilen Kimpembe) gyzyl kart aldy.
Toparçadaky 4-nji oýunlar 2 hepdelik arakesmeden soň, 24-nji
we 25-nji noýabrda oýnalar.
“RB Salsburg”“Bawariýa”: 2-6 (Berişa 4, Okugawa
66 Lewandowski 21 p, 88, Kristensen 44 ö.d., Boateng 79, Sane 83, Hernandes
90+2)
“Lokomotiw”“Atletiko Madrid”: 1-1 (An. Mirançuk
25 p Himenes 18)
“Şahtýor Donesk”“Borussiýa M”: 0-6 (Plea 8, 26,
78, Bondar 17 ö.d., Bensebaini 44,tindl 65)
“Real Madrid”“Inter”: 3-2 (Benzema 25, Ramos 33, Rodrygo 80 Martines 35, Perişiç 68)
“Mançester Siti”“Olimpiakos”: 3-0 (Torres 12,
Gabriel Žesus 81, Kanselo 90)
“Porto”“Marsel”: 3-0 (Marega 4, Oliweira 28 p,
Diaz 69)
“Atalanta”“Liwerpul”: 0-5 (Žota 16, 33, 54, Salah
47, Mane 49)
“Midtýullann”“Aýaks”: 1-2 (Dreýer 18 Entoni 1,
Tadiç 13)
“Sewilýa”“Krasnodar”: 3-2 (Rakitiç 42, En-Nesyri
69, 72 Suleýmanow 17, Berg 21 p)
“Çelsi”“Renn”: 3-0 (Werner 10 p, 41 p, Abraham 50)
“Zenit”“Lasio”: 1-1 (Ýerohin 32 Kaisedo 82)
“Klub Brýugge”“Borussiýa D”: 0-3 (Hazard 14,
Hollann 18, 32)
“Barselona”“Dinamo K”: 2-1 (Messi 5 p, Pike 65 Sygankow 75)
“Ferenswaroş”“Ýuwentus”: 1-4 (Boli 90 Morata 7,
60, Dibala 73, Dwali 81 ö.d.)
“Istanbul BŞ”“Man. Ýunaýted”: 2-1 (Demba Ba 13,
Wişça 40 Marsial 43)
“Leipsig”PSŽ: 2-1 (Nkunku 42, Forsberg 57 p Di
Mariýa 6)