Portugaliýaly super ýyldyz Kristiano Ronaldonyň çykyş edýän “Al Nassr” topary Ispaniýanyň “Selta Wigo” topary bilen ýoldaşlyk duşuşygyny geçirdi.Portugaliýanyň Algarwe şäherinde oýnalan bu oýunda ispan kluby 5-0 hasabynda ýeňiş gazandy.
Duşuşygyň 1-nji ýarymynda hasap açylman, esasy düzümde başlan Ronaldo tälimçisi tarapyndan 48-nji minutda oýundan çykaryldy. Şondan soň ispan kluby gol baryny ýagdyrdy.Ispan toparynyň gollaryny 57-nji minutda Alonso, 62-njy we 71-nji minutlarda Rodriges, 73-nji we 75-nji minutlarda-da Larsen derwezä girizdi. “Al Nassr” toparynda 48-nji minutda Al Amri gyzyl kart aldy.
“Al Nassr” toparyna golaýda portugaliýaly Luiş Kaştro tälimçilige bellenipdi.