Portugaliýaly hüjümçi Kriştianu Roanldu Saud Arabystanynda futbol akademiýalarynyň göwnelaýyk işlemeýändigi üçin Al-Nasr bilen hoşlaşmakçy bolýar. Mundo Deportiwonyň ýazmagyna görä, portugaliýalylar Saud Arabystanyny döwrebap ýaşaýyşdan uzakda hasaplaýarlar. Ronaldu şonuň üçin Ýewropa dolanmak isleýär.
Eger Ronaldu şertnamany diňe birtaraplaýyn ýatyrsa, kluba jerime tölemeli bolar. Ol häzir Al-Nasrdan her möwsüm üçin 200 million ýewro hak alýar.
Kriştianu Ronaldu Al-Nasra 2022-nji ýylyň ahyrynda goşulypdy. 38 ýaşly hüjümçi toparda geçiren 17 duşuşygynda 13 gezek tapawutlanyp, 2 goluň assistini berdi.
Ýurduň çempionatynyň tamamlanmagyna üç tapgyr galanda, 60 utukly Al-Nasr ýaryşyň lideri Al-Ittihaddan 3 utuk yzda barýar.