Russiýanyň Prezidenti Wladimir Putini tankyt edýän karrikaturalary bilen ýakyndan tanalýan rus karrikaturaçynyň Polşada janyna kast edilendigi habar berildi.
Köpçülikleýin habar beriş serişdeleri duşenbe güni Belarus serhediniň golaýyndaky Biala Podlaska şäherinde Russiýanyň raýaty bolan 44 ýaşyndaky Semýon Skrepeskiniň öldürlendigini habar berdi.
Howpsuzlyk güýçleri 44 ýaşyndaky adamyň duşenbe güni ir ertir şäher merkezine ýakyn köçede atylyp öldürlendigini mälim etdi.
Hüjümçiniň ýada hüjümçileriň wakanyň bolan ýerinden gaçandygy nygtaldy.
Polşanyň TWN we Polsje 24 teleýaýlymy gurbanyň ýygy-ýygydan Putini, Çeçen lider Ramzan Kadirowy we rus hökümetini karrikaturalary bilen tankyt edýän sungat ussady Skrepeskidini mälim etdi.
Karrikaturaçynyň 2021-nji ýylda syýasy basyşlar sebäpli Russiýany terk edendigi nygtaldy.
Tanymal karrikaturaçy aradan çykmagyndan birnäçe gün öň Germaniýanyň paýtagty Berlinde Russiýanyň ilçihanasynyň öňünde geçirlen protest ýörişine gatnaşypdy.
Polşa bilen Russiýanyň arasyndaky dartgynlygyň möwjeýän günlerinde tanylmak karrikaturaçynyň janyna kast edildi.