18-nji iýulda Serdar Berdimuhamedow ASP-na gözegçilik edýän wise-premýer Annageldi Ýazmyradow we welaýat ýolbaşçylary bilen iş mejlisini geçirdi diýip TDH döwlet täzelikler gullugy habar berýär.
Ähli sebitleriň ýolbaşçylary däne we ýeralma hasylynyň ýygnalyşy, şeýlede pagta idegi barasynda hasabat berdiler.
Ýazmyradow 2022-nji ýylda Türkmenistanyň içki sarp edijileri üçin nebit önümleriniň möçberine düzedişler we üýtgetmeler girizmek baradaky kararyň taslamasy boýunça aýratynlykda hasabat berdi.
Resminama laýyklykda, ýer paýlanyp berilen daýhan birleşiklerine we haryt öndürijilere goşmaça goldawlar bermek göz öňünde tutulýar. Munuň üçin olaryň tehnikasyna zerur dizel ýangyjyny tassyklanan bahadan bermek tabşyryldy we bu bol hasyl ýetişdirmäge kömek eder.
Mundan başgada, welaýatlaryň ýolbaşçylaryna möwsümleýin oba hojalyk kampaniýalarynyň depginini güýçlendirmek buýruldy.The post S.Berdimuhamedow daýhanlara döwlet bahasyndan goşmaça ýangyç satmagy buýurdy first appeared on Türkmenistanyň Hronikasy.