Sarayan hojalyk jemgyýeti Türkmenistanyň Söwda-senagat edarasynyň sergiler merkezinde guralýan ýurduň Senagatçylar we telekeçiler birleşmesiniň 16 ýyllygyna bagyşlanan köpugurly sergä gatnaşar.
Kompaniýa sergidäki diwarlygynda dürli iş ugurlary azyk senagaty, lukmançylyk edaralary, gurluşyk kompaniýalary, nebitgaz pudagy, ulag edaralary, hyzmatlar ulgamy we beýlekiler üçin öndürýän ýörite iş eşikleriniň hem-de gulluk lybaslarynyň dürli görnüşlerini görkezer.
Serginiň myhmanlary nah matadan öndürilen iň ýokary standartlara laýyk gelýän Sarayan önümleriniň hiline baha berip bilerler. Sargyt ediji kompaniýalaryň nyşanlaryny iş eşiklerine çekmek mümkinçiligi aýratyn gyzyklanma döredýär.
Sarayan HJ-niň hünärmenleri dürli ölçegli we reňkli ýörite lybaslary tikmek boýunça sargytlary kabul edýärler. Döwrebap önümçiligiň netijesinde kompaniýa iri we çylşyrymly sargytlary ýokary derejede ýerine ýetirip, aýda 10 müňe çenli toplum öndürip bilýär.
Tikin kärhanasy ýörite lybaslardan başga-da, gündelik eşikleri tebigy pagta matalaryndan tikilen köýnekçeleri (futbolkalary) we batnikleri tikmek boýunça şahsy sargytlary kabul edýär. Müşderiniň islegi boýunça lybaslara hususy nyşan çap usulynda ýa-da keşdelemek arkaly ýerleşdirilip bilner.
Sarayan HJ-niň resmi saýtynda ýa-da sosial ulgamdaky sahypasynda kompaniýanyň öndürýän önümleri bilen has içgin tanşyp, önümleriň hiline baha berip bilersiňiz.
Habarlaşmak üçin maglumatlar:
Elektron poçta salgysy: sarayan@degirmen.group.