Täjigistanyň Prezidenti Emomali Rahmon halkyny Nowruz baýramy bilen gutlagynda 2024-nji ýylda dünýäde azyk üpjünçiligi babatda kynçylyklaryň dörejekdigini belledi. Ol munuň bilen baglylykda, raýatlary ähli bar bolan azyk gorlaryny oýlanyşykly çemeleşmäge çagyrdy diýip, Daryo.uz ýazýar.
Synlamalara we seljermelere laýyklykda, 2024-nji ýylda dünýä jemgyýetçiligi öňki ýyllardaka garanyňda, azyk üpjünçiligi boýunça has çylşyrymly we agyr ýagdaýlara uçrap biler.Häzir dünýäde 80-den gowrak ýurduň ýaşaýjylary hasylsyzlykdan we açlykdan ejir çekýär. Şonuň üçin biz ähli bar bolan gorlarymyzy hem-de mümkinçiliklerimizi, ýakymly howa şertlerimizi, aýratyn-da suwy we topragy akylly-başly we täsirli ulanmalydyrys diýip, Täjigistanyň döwlet Baştutany özüniň Gutlagynda aýtdy.
Rahmon planetanyň ilatyny howanyň üýtgemegi, guraklyk, şeýle-de çylşyrymly syýasy ýaýdaý bilen baglylykda, azyk bilen üpjün etmegiň barha kyn düşýändigini belledi.