Variety neşiri täze Indiana Jons we Işi ýerine ýetirip bolanok filmleriniň öz studiýalaryna ýitgi getirip biljekdigini habar berdi diýip, Gazeta.ru ýazýar.
Mysal üçin, aktýor Harrison Forduň baş keşbi janlandyran Indiana Jons 5 filminiň premýera görkezilişi iýunyň aýagynda bolup, alty hepdelik prokatdan soň 375 million dollar toplady. Tom Kruzyň çykyş edýän Işi ýerine ýetirip bolanok filmi prokatda bäş hepdede 523 million dollar toplady.
Variety neşiri filmleriň her biriniň önümçiligine 300 million, marketing çykdajylaryna 100 million dollar töweregi sarp edilendigini belleýär. Netijede, Disney we Paramaout studiýalary bu filmler üçin 100 million dollar ýitgi çekip bilerler.
Neşir Işi ýerine ýetirip bolanok filminiň heniz ýitgisiz bolup biljekdigini çaklaýar, munuň üçin filme dünýä prokatynda 600 million dollar kassa ýygymyny ýygnamak gerek.