Taliban, Owganystanyň demirgazygynda ýerleşýän Samangan we Balh welaýatlarynda 2 etrabyň gözegçiligini ele geçirdi.
Samanganyň Içeri işler müdürliginiň metbugat geňeşçisi Abdul Munir Rahimi, başbozarlaryň, Samanganyň Firuz Nahçir etrabyna ýaragly hüjüm gurandygyny aýtdy.
Hüjüm sebäpli howpsyzlyk güýçleriniň etrap merkezinden yza çekilendigini aýdan Rahimi, etrabyň yzyna alynmagy üçin ýakynda operasiýa başlatjakdyklaryny belledi.
Balh welaýatynyň Içeri işler müdürliginiň ýolbaşçylary hem Talibanyň Balhyň Özbegistan serhedinde ýerleşýän Kelder etrabynyň gözegçiligini ele geçirendigini mälim etdi.
Taliban tarapyndan berlen beýannamada bolsa soňky 24 sagatda 3 etrabyň gözegçiliginiň ele geçirlendigi öňe sürüldi.
Taliban 27-nji iýunda hem Özbegistan serhedinde ýerleşýän Balh welaýatynyň Şor Depe etrabynyň gözegçiligini ele geçiripdi.