Amerikanyň Tesla elektromobillerini öndürýän kompaniýasy ýylyň ikinji çärýeginde, ondan öňki üç aý bilen deňeşdirilende, önüm bilen üpjünçiligini 34,5% artdyrdy, ýagny rekord 343,83 müňe ýetirdi diýip, kompaniýanyň metbugat relizinde habar berilýär.
Şol bir wagtda FactSet-iň sorag geçiren seljerijileri görkeziji 371 müň ulag boldy diýip çaklama berdiler. Şonlukda, Model S we Model X bilen üpjünçilik 18 672 sany, Model 3 we Model Y bilen üpjünçilik — 325 158 sany boldy. Ýylyň geçen çärýeginde Tesla 365 923 awtoulag öndürdi, bu ýylyň ikinji çärýeginiň görkezijisinden 41% köpdür. Şeýlelikde, Teslanyň öndürýän we ýerleýän awtoulaglarynyň sanynyň aratapawudy 22 müň awtoulagdan hem agarak boldy, bu aprel-iýun aýlarynda 4 müňdenem esli kändir.
Munuň özi awtoulaglaryň goýberilişiniň isleglerden ep-esli öňe gidýändigine şaýatlyk edýär diýip, ekspertler çaklaýarlar.Emma kompaniýa munuň logistikadaky kynçylyklar sebäpli şeýle bolandygyny belleýärler.
Tesla üçünji çärýegiň maliýe hasabatyny 19-njy oktýabrda çap etmegi meýilleşdirýär.