Meşhur britan gämisi “Titanik”-iň gark bolmagyndan üç gün öň agşamlyk naharynda hödürlenýän tagamlaryň sanawy 83 müň funt sterlinge satyldy. 1912-nji ýylyň 11-nji aprelindäki nahar sanawy Beýik Britaniýanyň Wiltşir graflygynda auksionda satyldy.
Suw degip durky üýtgän nahar sanawynda transatlantik gämidäki ýolagçylara ustrisa, losos, sygyr eti, desertler, “Wiktoriýa” pudingi we beýleki önümler hödürlenipdir.
Nahar sanawy Kanadanyň Dominion şäherinden (Kanada) taryhçy Len Stiwensona degişli surat albomyndan tapyldy.