“Ýeni Şafak” gazeti, “Ministr Akar: Siriýanyň demirgazygynda 19 terrorçy täsirsiz ýagdaýa getirildi” söz başyly habarynda, Milli Goranmak ministri Hulusi Akaryň, öňňin gije Siriýanyň demirgazygynda 19 terrorçynyň täsirsiz ýagdaýa getirlendigi hakyndaky sözlerine ýer berýar.
“Sabah”gazeti, Türk goranyş senagatynyň önümleri Malaýziýada sergilenýär” söz başyly habarynda, Türk goranyş senagaty pudagynda iş alyp barýan firmalaryň, täze hyzmatdaşlyk we eksport mümkinçiligi maksady bilen Malaýziýada geçirilýän Halakra deňizçilik we awiasiýa sergisi LIMA 2023 gatnaşýandygyny ýazýar.Türkiýeden sergä 18 firma gatnaşýar.
“Hürriýet” gazeti, “Amasra kruiz gämileri bilen 10 aýda 17 müň 305 rus syýahatçy geldi” söz başyly habarynda, Bartynyň Amasra portuna gelen “Astoria Grande” atly kruiz gämisi bilen düýn 614 rus syýahatçynyň gelendigini habar berýär.
10 aýda kruiz gämileri bilen Amasra gelen rus syýahatçylaryň sany 17 müň 305-e ýetdi.
“Haber Türk” gazeti, “Taýfun synag atyşyny üstünlikli tamamlady” söz başyly habarynda, Türkiýaniň uzak menzilli iň uly raketasy Taýfunyň täze synag atyşyny Rizede geçirendigini mälim edýär. Synag atyşy üstünlikli ýagdaýda tamamlandy.
“Watan” gazeti, “Türk çaýynyň eksportundan 11,3 million dollarlyk girdeji gazanyldy” söz başyly habarynda, Türkiýeden üstümizdäki ýylyň ýanwar-aprel aýlaryny öz üstüne alýan döwürde çaý eksportundan 11 million 365 müň 591 dollarlyk girdeji gazanylandygyny ýazýar.
Eksport sanawynda Belgiýa, ABŞ we Britaniýa esasy orun eýeledi.